CAPILLOS tingendi consuetudo

CAPILLOS tingendi consuetudo

indigitatur Tertulliano eidem, de Cultu Feminarum, Tum Solis animando simul et exsiccando capillo exoptabilis ardor: ubi animare capillum, eum tingere et colorare est; quemadmodum idem de Pallio, ubi de serci consiciendi ratione, animata stamina, vocat iam tincta ac colorata. Certe coloris capillorum habitam rationem apud Romanos, docet Martialis, l. 5. Epigr. 70.

Arctoa de gente comam tibi, Lesbia, misi:

Ut scires, quanto sit tua flava magis.

Nempe matronae nigrâ, lupae flavâ comâ gaudebant. Unde a plerisque hatum, capillorum colorem mentientibus, emptae e Germania comae. Aureus enim color capillorum Germanicorum, et omnium ferme Arctoarum gentium. Iuvenalis, Sat. 13. v. 164.

Caerula quis stupuit Germani lumina? flavam

Caesariem, etc.

Cum itaque comae hae ac caliendra non suppeterent, ab arte quaesitus color est: Qua de re aliquid iam dictum.